ယောက္ခမတွေနဲ့ရင်းနှီးမှုရှိအောင် ကိုယ်ဝန်ကို အီတလီမှာသွားမွေးမှာဖြစ်ပြီး သမီးလေးမွေးပြီး (၃)နှစ်လောက်မှ မင်္ဂလာဆောင်ဖြစ်မယ်လို့ဆိုလာတဲ့ အဆိုတော်ချမ်းချမ်း

အဆိုတော် ချမ်းချမ်းကတော့ ဒုတိယမြောက် ရင်သွေးလေးကို ကိုယ်ဝန်လွယ်ထားရပြီဖြစ်ပါတယ်။ သူမ ဗိုက်ထဲက ကလေးလေးကလည်း သမီးလေးပဲလို့ သိရပါတယ်။ ဒီရင်သွေးလေးကိုတော့ အီတလီနိုင်ငံမှာ မွေးဖွားမယ်လို့ ပြောပါတယ်။ ချမ်းချမ်းဟာ ဒုတိယမြောက်သမီးလေးကို ဧပြီလထဲမှာ မွေးဖွားမှာပဲဖြစ်ပါတယ်။

 

ချမ်းချမ်းက အီတလီမှာ ကလေးသွားမွေးမဲ့အကြောင်းကို“ဒုတိယ ကိုယ်ဝန်က (၅) လ ကျော်ပါပြီ။ Ultrasound ရိုက်ကြည့်တော့ သမီးလေး ပါ။ ဂင်္ဂါလေး က မောင်လေး၊ ညီမလေး တစ်ယောက် လိုချင်တယ် ပြောသလို၊ COVID ကာလမှာ အလုပ်တွေ အားနေတော့ အသက် (၃၅) နှစ် မတိုင်ခင်မှာ ကိုယ်ဝန် ယူလိုက်တာပါ။ ယောက္ခမတွေ နဲ့ ရင်းနှီးအောင် ကလေးကို အီတလီမှာ သွားမွေးမှာပါ။ ခင်ပွန်း နဲ့ လက်မထပ် ထားရသေးပေမယ့် စေ့စပ်ထားပြီး သားပါ” လို့ ပြောလာခဲ့ပါတယ်။

 

ချစ်သူနဲ့ ကလေးယူပြီး သုံးနှစ်လောက်နေမှ လက်ထပ်မဲ့ အကြောင်းလေးလဲ ပြောခဲ့ပါသေးတယ်။ ချမ်းချမ်းက ““ချစ်သူ နိုင်ငံခြားသား နဲ့ လက်မထပ်ရသေးပါဘူး။ နှစ်ဖက်မိဘတွေ သဘောတူ စေ့စပ်ထားကြတာပါ။

 

ယောက္ခမတွေ ကလည်း အသက်ကြီး နေပြီ၊ ဂင်္ဂါလေး ကလည်း COVID ကာလမှာ တစ်ယောက်တည်း အထီးကျန်နေတယ် ဆိုတော့ မင်္ဂလာ မဆောင်သေးဘဲ ကလေး ယူလိုက်တာပါ။ မင်္ဂလာဆောင်ပြီး ပြီလို့ မလိမ်ချင်ဘူး။ သမီးလေး မွေးပြီး (၃) နှစ် လောက်ကြာမှာ မင်္ဂလာဆောင်မှာပါ။ မင်္ဂလာပွဲ မှာ သမီးလေးတွေကို ပန်းကြဲခိုင်းမယ်” လို့ ပြောခဲ့ပါသေးတယ်။

Swelsone News

Be the first to comment

Leave a Reply

Your email address will not be published.


*